دى مشكلة صديقتى ومحتاجه رأيكم فيها الحل ايه؟؟

أخوانى واخواتى أعضاء عذب الكلام

اسمحو لى ان احكيلكم عن مشكله تعرضت لها صديقتى وبعتبرها زى أختى

الحكايه بدأت من أكثر من سنه لما صديقتى اتعرفت على شاب متزن وأخلاق

وده رأى كل اللى يعرفو وكانت علاقتهم فى البدايه علاقه أصدقاء وأخوات

الشاب ده اعترف لها انه متزوج وعنده طفلين من زوجته وانه على خلاف مع زوجته

وانهم لابد انهم بنفصلو وكان فاقد الثقه فى كل الناس وصديقتى وقفت جمبه فى البدايه

كتير جدا لحد مابدأ يستعيد ثقته بنفسه وبالناس مره تانيه

ولكن بعد مرور الوقت بدأ الشاب يلفت انتباهها بكل الطرق انه بيحبها

وصرح لها بحبه ده وهى فى نفس الوقت بدأت تشعر ناحيته نفس الشعور

واتفقو على انهم هيرتبطو ببعض بمجرد رجوعه من السفر

وتوطدت علافتهم أكثر وأكثر لحد ماأصبحو روح واحده فى جسدين

ومفيش اى حد منهم يقدر يستغنى عن التانى

وجه ميعاد رجوعه لبلده وبالتالى طلب انه يشوفها ويقابلها اكتر من

مره وصديقتى بتتحجج بأى عذر عشان المقابله دى مش تتم

فى البدايه طلب انه يتقدم لها لكن كان عندها ظروف تمنع الارتباط فى الوقت الحالى

وتم الانفصال بينه وبين زوجته ومن الوقت ده بدأ يتغير من ناحية كل الناس بما فيهم حبيبته

وبدأ يفقد الثقه فى كل الناس أيضا بما فيهم حبيبته وصرح لها انه مش هيقدر يرتبط بيها

وفى نفس الوقت اترجاها انها مش تبعد عنه وانهم يفضلو اصدقاء وتحت الحاح شديد منه

وافقت انها تفضل جمبه فتره لحد مايقف على رجليه من تانى وتنسحب من حياته ويظلو أصدقاء

وبعد مارجع تانى نفس البلد اللى بيشتغل فيها بدأ يقرب منها تانى ويلفت انتباهها انه ميقدرش يستغنى عنها

وانه بيحبها لكن ظروفه هى اللى متسمحش فى الوقت الحالى بالارتباط بيها وصمم انه يشوفها

حتى لو عن طريق الكاميرا برغم انه شاف صور لها وبعد الحاح منه وصلت لحد الشك فيها اضطرت

تعترف له بالحقيقه اللى خبتها عليه من اول مااتعرفو على بعض وهى انها تعرضت

من فتره لحادث نتج عنه بعض التشوهات فى وجهها وجسمها وانها هتعمل عملية تجميل بعد سنه

وهو ده السبب اللى وراء رفضها مقابلته او الارتباط فى الوقت الحالى

وبعد اعترافها ده له هون عليها الموضوع جدا واعترف لها ان ده مش هيأثر فى حبه ليها

ولكن كل تصرفاته معاها بتقول غير كده وبتقول انه اتغير لحد مااعترفت له انها حاسه انه اتغير معاها

وانه مش بقى مهتم بها زى الاول وكانت الصدمه التانيه اللى قضت عليها وافقدتها الثقه فى كل الناس

لما اعترف لها لتانى مره انه مش هييقدر يكمل معاها وانه اتغير من ناحيتها من وقت نزوله لبلده

اعترف لها صراحة بعذا الكلام بدون ان يراعى شعورها وحالتها النفسيه فى هذا الوقت

خاصة بعد مااعترفت له بالحقيقه وهى المره دى صممت على الانسحاب من حياته للأبد

ولكن بعد ماأصيبت بانهيار عصبى نتيجة الصدمه اللى حصلت لها مرتين

انا مش طالبه حل للمشكله دى ولكن طالبه أرائكم فى اللى حصل ياترى من الملام هنا

هى لانها خبت عليه ظروفها من الأول وده مش عن عمد منها ولكن كان نتيجه لحالتها

النفسيه فى ذلك الوقت ولا هو لانه وعدها بعدم التخلى عنها مهما حصل ولانه اتخلى عنها مرتين

وخصوصا تانى مره بعد ماعرف حقيقتها وجرحه الكبير لها بسبب هذا التصرف

هتلومو مين فى الحكايه دى وليه