hesham tito مؤسس الموقع
الجنس : عدد المساهمات : 5404 المزاج : رايق العمر : 34 تاريخ التسجيل : 17/10/2010
| موضوع: خدمه العملاء فى موبينيل ...! السبت يناير 08, 2011 9:43 pm | |
| سامح مدحت : مساء الخير يافندم
العميل : وعليكم السلام ورحمه الله وبركاته
مع حضرتك يا فندم سامح مدحت من شركه موبينيل
العميل : لا النمره غلط هنا مش موناليب
انا يا فندم اللى بكلمك من شركه موبينيل
العميل : ايوه مانا بقولك النمره غلط هنا مش موناليب
يا فندم ممكن (استعفر الله العظيم) يعنى تحاول تفكر وتفهمنى
العميل : عايز ايه يا عم انت هتقلب دماغى روح يا سعد هات الجموسه من الزريبه
يا فندم بعد اذنك جموسه ايه وسعد مين
العميل : يا بيه دا الواد سعد لمؤاخده ابنى اصلى هجوزه النهارده وعقبال عندك لولولولولولولول ولولى
ألف مبروك يا فندم بعد اذنك يا فندم ممكن تساعدنى اسجل بيانات خط حضرتك ف الشركه
العميل : خط ايه يا بيه
خط الموبايل يا فندم
العميل : موبايل ايه
يا فندم الموبايل بتاع حضرتك
العميل : وعايز ايه يعنى
أسم حضرتك الثلاثى
العميل : أسمى أنى
أيوه يا فندم (يوووووووه)
العميل : أنى اسمى سعيد
ايوه يافندم سعيد ايه يا فندم بقيت الاسم لوسمحت
العميل :مأنى باقولك سعيد سعيد يابيه
انا قصدى اسم والدك يا فندم وجد حضرتك
العمبل : ليه يابيه هو فى حاجه هوانتوا عرفتوا ان جدى هربان من التار لما قتل جموسه ابو العلا ف العاركه وعايزين تمسكوه يا سنه سوده يا ولاد
لا يا فندم انا قولت لحضرتك بنسجل بيانات الخط عشان الخط مايتوقفش تار ايه يا فندم اللى بتقول عليه
العميل : أحب على يدك يا بيه أنى جدى ماعملش حاجه والله دا الواد عليوه هوه اللى سم البهايم
يا أستاذ سعيد بقيت الاسم لوسمحت
العميل : أسمى سعيد مسعود سعد الدين ابو السعد
العنوان يا فندم
العميل : أنى ساكن فى مصر
ماشى يا فندم فين فى مصر
العميل : فى مصر ذات نفسيها
ايوه يا فندم انا عارف فين بالظبط
العميل : فى الخصوص
فين يا فندم الخصوص اسم المركز والشارع والمحافظه
العميل : أيوه فهمت أنى ساكن ف الخصوص جنب دوار العمده أمام الفرن بجوار محل اشرف الكهربائى
يا استاذ سعيد لوسمحت اسم المحافظه
العميل : باين بنى سويف أقولك استنى انده للواد سعد يقولك العنوان
العميل : ياواااااااد يا سعد تعالى امسك النوبايل وكلم الراجل اللى بيسأل على اسم جدك ده وأديله العنوان
ايوه يا استاذ سعد العنوان لوسمحت : مركز القليوبيه - محافظه المنار - قريه السعدااااا
يا استاذ سعد انت متأكد من العنوان
سعد ابن سعيد : أيوووه متأكد جدا يا باشا
أقولك يا فندم اللى انا متأكد منه ف العنوان ده اسم القريه قريه السعداااااااااا ا ههههههههههههههه ههههههه
استاذ سعد ادينى بابا
حاضر بوى بوى كلم
أيوه يا استاذ سعيد : ملينى رقم البطاقه بتاعت حضرتك يا فندم
العميل : بطاقتى أنى
ايوه يا فندم هوانا كل ماكلمك على حاجه تستغرب وتقولى أنى ايوه يا فندم مش الخط اللى بكلمك عليه بتاع حضرتك
العميل : خط ايه يا بيه
سامح مدحت :اااااااااااااا ااااااااااااااا ااااه يا فندم ركز معايا شويه
العميل : حاضر مأنى مكرركز أهوه
رقم البطاقه لو سمحت يا فندم ال14 رقم من الشمال لليمين
العميل : يا حلاوه ياولاد هما بقوا 14 رقم ( عمار يا مصر عمار يا مصر
يا فندم البطاقه طول عمرها 14 رقم والا بطاقه حضرتك بطاقه قديمه
العميل : لا أستنى أعد الارقام كده
العميل هى اصلا فين الارقام دى
تحت الصوره ع الشمال يا فندم
العميل : صورتى أنى
ايوه يافندم مش بطاقتك
العميل : أيوه بطاقتى أمال ايه دى كمبيوتر يا باشا هيه هيه هيه
سامح :ماشى يا فندم ربنا يزيد ويبارك مالينى الرقم بقى يا فندم
العميل : أكتب عندك 54892..
سامح :لا يافندم ملينى بتاريخ الميلاد بس أوعى تسألنى وتقولى تاريخ ميلادى أنى ههههههههههههههه ههههههههه
العميل : أنى
ايوه يافندم
العميل :25502220100985
شكرا يا فندم
اخر حاجه لو سمحت
العميل : ايه تانى
فى تليفون ف المنزل
العميل : ماله تليفون البيت والله دا كان جاى هديه من العمده لما انقذت ابنه لما وقع ف الترعه
لا يا فندم مافيش مشكله ملينى رقم التليفون
العميل : 022588..
لا يا فندم كده غلط هوحضرتك محافظه ايه
العميل : مانى قولتلك محافظه مصر
ماشى انا متشكر جدا يا استاذ سعيد
العميل : ممكن سؤال يابيه
أتفضل يا فندم
العميل : هو أنت طالب مين بالظبط
لا يافندم متاخدش فى بالك دا موضوع عائلى | |
|
aya_2010 عضو مميز
الجنس : عدد المساهمات : 1171 المزاج : رايقة العمر : 30 تاريخ التسجيل : 27/12/2010
| موضوع: رد: خدمه العملاء فى موبينيل ...! الثلاثاء أغسطس 23, 2011 5:25 pm | |
| بارك الله فيك على الموضوع القيم والمميز
وفي انتظار جديدك الأروع والمميز
لك مني أجمل التحيات
وكل التوفيق لك يا رب | |
|
hesham tito مؤسس الموقع
الجنس : عدد المساهمات : 5404 المزاج : رايق العمر : 34 تاريخ التسجيل : 17/10/2010
| موضوع: رد: خدمه العملاء فى موبينيل ...! الأربعاء أغسطس 24, 2011 1:31 pm | |
| أج ــمل وأرق باقات ورودى
لردك الجميل ومرورك العطر
تــ ح ــياتيـ لكــ
| |
|
semsma عضو مميز
الجنس : عدد المساهمات : 1732 المزاج : ممتازة العمر : 34 تاريخ التسجيل : 26/08/2011
| موضوع: رد: خدمه العملاء فى موبينيل ...! الجمعة أغسطس 26, 2011 10:13 pm | |
| بارك الله فيك على الموضوع القيم والمميز
وفي انتظار جديدك الأروع والمميز
لك مني أجمل التحيات
وكل التوفيق لك يا رب | |
|
hesham tito مؤسس الموقع
الجنس : عدد المساهمات : 5404 المزاج : رايق العمر : 34 تاريخ التسجيل : 17/10/2010
| موضوع: رد: خدمه العملاء فى موبينيل ...! الجمعة أكتوبر 28, 2011 9:10 am | |
| ميرسى ع مرورك
لردك الجميل ومرورك العطر
تــ ح ــياتيـ لكــ | |
|